die Bosener Gruppe
Hausaufgabentexte
14.09.2019
Well – wild
Ruhe sanft
fuchsdeiwelswell geft et wenn wie well et Gras waast e Hälmchi sich quer stellt em Wend vo weirer weg Bloume weddele Soome gefloo komme wenn Wutze durch Wiese walze mei Modder har'et gär sauwer säät sei Bou mei Frau haret gär ordentlich säät sei Mann eich well et schee säät eät o netzt sei Naturgraav met Onkraut-ex
Karin Klee
Wéll
Ich wéll der jò neischt Beeses. Wérklich nét! Awwer awei éss pillo! Et langt! Wenn de awei nét wéllscht, wie aich et wéll, dann génn aich wéll! Ónn dann gnaad der Gott!
Herbes sauvages
(aach politisch ze lääsen)
Wéll Planzen ém Gaaten, die hann bei uus neischt verloor, die wélle mer héij nét hann! Uuser Nadur éss sauwer ónn sóll et émmer bleiwen! Mer wéllen, mer wéllen mer wéllen kään Onkraut!
Gérard Carau
Wenn’s reicht
Es Annche wäär im Winderschbort, doch iss es schunn vier Wuche fort. Ich glaab, ich wääß de Grund. Wahrscheinlich iss es fortgeloff, weil Seiner widder mool gesoff, der elend Lumbehund. Nett lang häär, hann ich´s noch gesiehn, mett schdinggisch wutentbrannder Mien, de Sein war widder zu. Es hat gekrisch: „Ich krien die Keer, unn schmeiß dei Glumbatsch vor die Deer, dann hann ich endlich Ruh. Du beischt doch ohne mich ins Gras, dann kann ich endlich saan: Das waas!“
Wildsaumäßisch
1. E Horde Wildsäu hause naachts in Millerkaalsches Gaade, sie graawe demm die Lännscha um, unn das ganz ohne Schbaade. De Miller Kaal sieht morjns o Schregg sei ramponeert Idille. Er kreischt in Raasch fuggsdeiwelswild: „Das Dreggsvieh duun ich kille!“ Seithäär duut er noor wää de Seie, jeed Naacht umsunscht am Fenschder leie. 2. Die Wildsau welljatt sich im Dregg, die macht das furchtbar gäär, ehr Junges noch memm Babyschbegg, es suhlt sich hinnerhäär. So lernt das Vieh mett Sicherhäät halt nie im Lääwe Sauwerkäät.
Relinde Niederländer
Wildseiwuhle
Wer wääs wie wiedisch wilde Wuddse wuhle wie wurres wannse wambe wie Wandaale wenn Wiesegäärde Wuddsegäärde wirre weddse wodrinn Wasser wuhle wawwele wuddsisch wann wer was wiedisch weesche Wuddsewuhle werfd wie wubbdisch wann woo Wiggsbirschd wusseld weeschem Wuhle wilder Wuddse wo Wuud Wildsei wirglisch wegg winschd wann Wilde weider wiedisch wuddsisch wuhle wennschunn wie wilde Wuddse widder weider wiehle woomeeschschlisch wäär woo Willevierdel was wuhle wann Wildsei weenischdens Wuddsewurschd wääre wäär wahrscheins wirglisch Wurschdsubb wie wild wegggang.
Georg Fox
Klää wéll Biller
Haiku/Tanka
Bloumen aan’t Essen
Unkraut hääscht haut „Wildkräuter“
un de Root Léscht waaßt
Wéll Hóndsrosen bléihn
aam Paad quäär durch de Dünen
Sand géfft vorgeschbéilt
Fóuder fó ròòséch Wellen
späädeschdens aan Wénterdaan
Kipp métten ém Wald
Rääfen Meeweln e Kéihlschrank
Äämern mét Bauschutt
nòkscht e Sóuhl vóller Schmaddel
dò wo de Wéllschwein hausen
Wéi jeden Owend
pechschwartz Wólken aam Himmel
de scheenscht Zeit éss rém
wuuscht Gekrääschs lehrt et Graulen
Koowen souchen ihr Schlòòfbääm
Blétz én de Auen
de Krallen ausgefahr
klää wéll Katz
Ursula Kerber
Die Wilma un de Willy
Die Wildsau Wilma chillt im Graawe nooch ennre wild dorchwiehlte Nacht, un dräämt. – Do krächsen wiescht zwää Raawe, verschreckt springt d Wilma uff, – un s kracht. Wie wild war dorch die Wald geblose de Willy in seim schnelle Gfährt, hot s Schild: „Do! Owwacht Wild“ mit große Verständnislosigkeit geehrt. Jetz hängt der sportlich-deire Wache am Baam verdellert un verschrabbt. De Wilma scheint s nix auszumache, is ääfach links vorbeigedabbt. „Verdammtie Wildsau“, plärrt de Willy, klobbt wietend uff m Lenkrad rum. Die Wildwutz Wilma is e Stillie, grunzt leis, denkt: „Is der Kerl doch dumm! Der is doch dorch die Waldstrooß gschosse grad wie e gsengtie Mensche-Sau, hett langsam er Natur genosse, kennt faul er ratze in seim Bau.“ Sie rumbelt hääm, verzehlts de annre im Rudel, s werd wie wild gegrunzt, zum Wrack vum Willy dun se wannre un gugge, was der Depp verhunzt. Der kann de Aache kaum noch traue, wie er die Wutze glotze sieht: En Audoschrott aus d Sicht vun Saue macht halt en große Unnerschied.
Matthias Zech