Hausaufgabentexte
15.09.2007
Zu hoch
Ze Hoch
Mama!
Alla,
kumm
Mama!
Alla hopp,
auf!
Mama!
Na jetzert awwer!
Streck disch noch ä bissl!
Awwers Klä kummt net nuff!
Do biggt sisch die Mama ganz langsam nunner
un gebbt ihrm Kind än Kuss
mit ihrer Giraffe-Schnuss.
Ute Zimmermann
Hee'eluft
Er iss ganz owwe angelangt noo johrelanger Schuffderei, hat viel entbehrt, hat sich gequeelt, e Quendsche Gligg war aa debei. E Schduhl, der iss zum Sessel woor, e Großraumbürro zum Sallong, unn vor seim Biedermeier-Schreibdisch hann jetzt Radfahrer Hochsässong. Terminkalenner, Aggdeberje, e schdännisch nervend Telefon, e Käschdsche voll mett Kreislauftrobbe unn Iwwerschdunne-Inwassjoon. E lernt die Hee'eluft schnell kenne, dort, wo ma kaum wemm traue kann, wo poddensjelle Päschdschesjäscher bei Daa unn Naacht Bereitschaft hann. Er hat emool e Traam getreemt vunn Macht unn Gligg unn Schaffensdrang, jetzt komm'dem langsam de Verdacht, s'gäbbt iwwerhaupt kenn Sammehang.
Reline Niederländer
documenta 12
dieren un fénschderlaaden altchinesisch zwölf määter getesselt for de kónscht zou hoch fénd et unwedder én Kassel un hillt se wei wei noch äämòòl aus de angeln
Ursula Kerber
tesseln = aufschichten (z.B. Holz)
Zum Text documenta 12 in Kassel:
Die 12 m hohe Skulptur "Template" des Pekinger Künstlers Ai Weiwei aus Türen und Fensterläden alter chinesischer Häuser, die dem Bauboom zum Opfer gefallen sind, stürzte bei einem Unwetter im Juni 2007 in sich zusammen.
Ze hoch, vill ze hoch
(Hommage an Reiner Kunze)
Ich gäw gär e Gedicht schreiwen e ganz kurzet nur drei véier Zeilen meh net Et wär ganz änfach e paar Wéarter nur paar Biller Et gäw alles dréstehn alles iwwer deich alles iwwer meich alles iwwer uus Et gäw awwer neischt verròòden neischt vo mir neischt von dir neischt von uus
Gérard Carau
Zu hoch
Alle Deere zu. Erdsgrundsdief de Schlamassel. De Himmel zu hoch. Wänd. Wänd nix wie Wänd. Erdsgrundsdief de Schlamassel. De Himmel weit weg.
Helga Schneider